සුපිළිපන් රාජ්ය සේවයක් සඳහා වන “සුපිළිපන් සංස්කෘතියක් - ක්ලීන් ශ්රී ලංකාවක්” ජාතික මෙහෙයුම ක්රියාවට නැංවීම වෙනුවෙන් දැනුවත් කිරීමේ වැඩමුළුවක් අග්රාමාත්ය ලේකම් ප්රදීප් සපුතන්ත්රී මහතාගේ සහභාගීත්වයෙන් ජූලි 27 දින අරලියගහ මන්දිරයේ දී පැවැත්විණි.
රජයේ ප්රමුඛතම අභිලාෂය වන ශ්රී ලංකාවේ සමස්ත රාජ්ය සේවයේම ගුණාත්මක භාවය, කාර්යක්ෂමතාව සහ පාරදෘශ්යභාවය ඉහළ නැංවීම මෙන්ම දූෂණයෙන් තොර ආදර්ශමත් පරිපාලන ව්යුහයක් ගොඩනැගීමේ අරමුණ සාක්ෂාත් කර ගැනීම උදෙසා ක්ලීන් ශ්රී ලංකා ජාතික වැඩසටහන හා ඒකාබද්ධ වෙමින් රාජ්ය සේවයේ ආචාර ධර්ම, වටිනාකම් ශක්තිමත් කිරීම මෙම වැඩසටහනේ අරමුණයි.
සමස්ත දිවයිනම ආවරණය වන පරිදි “සුපිළිපන් සංස්කෘතියක් - ක්ලීන් ශ්රී ලංකාවක්” මැයෙන් ක්රියාත්මක වන ජාතික සුපිළිපන් සතිය - 2026 ජූලි 27 වන දින සිට ජුලි 31 වන දින දක්වා ක්රියාත්මක වේ. මෙය එක් සතියකට පමණක් සීමා වූ සැමරුම් උත්සවයක් නොවන අතර, රාජ්ය සේවයේ පදනම ස්ථිරසාර ලෙස වෙනස් කරන කෙටි කාලීන, මධ්ය කාලීන සහ දීර්ඝ කාලීන වැඩපිළිවෙළක් සඳහා වන ප්රවේශයකි.
දැනුවත් කිරීමේ වැඩමුළුවට සහභාගී වෙමින් අදහස් දැක්වූ අග්රාමාත්ය ලේකම් ප්රදීප් සපුතන්ත්රි මහතා මෙම වැඩසටහන හරහා good governance ගැන තිබෙන මතය පිළිබඳ නැවත සිතන්න අවස්ථාව සලසන බවත්, දූෂණ සංජානන දර්ශකයේ (Corruption Perceptions Index - CPI) ගෝලීය වශයෙන් ශ්රී ලංකාව රටවල් 14ක් අභිබවමින් ඉදිරියට පැමිණ තිබෙන බව ද අවධාරණය කළේය.
මෙම දැනුවත් කිරීමේ වැඩමුළුව ශ්රී ලංකා සංවර්ධන පරිපාලන ආයතනයේ හිටපු අධ්යක්ෂ ජනරාල් ආචාර්ය ප්රදීපා සේරසිංහ මහත්මියගේ සම්පත්දායකත්වයෙන් පැවැත්වුණි.
මෙම අවස්ථාවට අග්රාමාත්ය කාර්යාලයේ මාණ්ඩලික නිලධාරීන්, අංශ ප්රධානීන් ඇතුළු නිලධාරීන් සහභාගි වුහ.
අග්රාමාත්ය මාධ්ය අංශය