இலங்கை - ஜெர்மன் வர்த்தக மாநாடு பிரதமரின் தலைமையில் ஆரம்பம்

இலங்கை, பிராந்திய ஒத்துழைப்பு மற்றும் சர்வதேச உறவுகள் மீது அர்ப்பணிப்புடன் செயற்படும், திறந்த அதேநேரத்தில் நம்பகத்தன்மைமிக்க கூட்டுறவு நாடாகும் என பிரதமர் கலாநிதி ஹரிணி அமரசூரிய தெரிவித்தார்.

மே மாதம் 28 ஆம் திகதி கொழும்பு ITC Ratnadipa ஹோட்டலில் நடைபெற்ற “இலங்கை - ஜெர்மன் வர்த்தக மாநாடு 2026” நிகழ்வில் பிரதம அதிதியாக கலந்து கொண்டு உரையாற்றியபோதே அவர் இதனைத் தெரிவித்தார்.

இலங்கையின் ஜெர்மன் தொழில் மற்றும் வர்த்தக பிரதிநிதி சபை (AHK Sri Lanka) மற்றும் கொழும்பில் அமைந்துள்ள ஜெர்மன் தூதரகத்தின் ஒத்துழைப்புடன் மூன்று நாட்கள் நடைபெறும் இந்த மாநாட்டின் பிரதான நோக்கம், கடல்சார் மற்றும் வழங்கல் துறைகளில் வெளிநாட்டு முதலீடுகளுக்கான கவர்ச்சிகரமான இடமாக இலங்கையை ஊக்குவித்தலாகும்.

இந்த நிகழ்வில் கருத்துத் தெரிவித்த பிரதமர் கலாநிதி ஹரிணி அமரசூரிய, சுற்றுலா, வர்த்தகம், முதலீடு, தொழில்நுட்ப பரிமாற்றம் மற்றும் அபிவிருத்தி ஒத்துழைப்பு உள்ளிட்ட துறைகளின் ஊடாக இலங்கைக்கும் ஜெர்மனிக்கும் இடையில் நீண்டகாலமாக நிலவி வரும் கூட்டாண்மை மிகுந்த முக்கியத்துவம் வாய்ந்தது எனக் குறிப்பிட்டார்.

குறிப்பாக தொழிற்பயிற்சி, தொழிற்கல்வி, புத்தாக்க வலுசக்தி மற்றும் பொருளாதார பரிவர்த்தனை ஆகிய துறைகளில் ஜெர்மனி வழங்கி வரும் பங்களிப்பை பிரதமர் பாராட்டினார்.

அத்தோடு, தற்போது இலங்கை, பேரினப் பொருளாதார நிலைத்தன்மையையும், கூடுதல் போட்டித்தன்மை மிக்க பொருளாதார மாதிரியை உருவாக்குவதையும் நோக்கமாகக் கொண்டு விரிவான சீர்திருத்த நடவடிக்கைகளில் ஈடுபட்டு வருவதாகவும் பிரதமர் தெரிவித்தார்.

அரசாங்கம் நிதி ஒருங்கிணைப்பு, கட்டமைப்பு சீரமைப்புகள் மற்றும் நல்லாட்சிசார் சீர்திருத்தங்களை நடைமுறைப்படுத்தி வருவதாகவும், இந்த செயல்முறைகளின் போது பெண்கள் மற்றும் பாதிப்புக்குள்ளாகக்கூடிய சமூகங்கள் மீது ஏற்படக்கூடிய சமூக விளைவுகள் தொடர்பில் அரசாங்கம் விசேட கவனம் செலுத்தி வருவதாகவும் அவர் குறிப்பிட்டார்.

இந்தியப் பெருங்கடலில் இலங்கைக்கு கிடைக்கப்பெற்றிருக்கின்ற மூலோபாய முக்கியத்துவமிக்க நிலை, திறமையான தொழிலாளர் படை மற்றும் மேம்பட்டு வரும் முதலீட்டுச் சூழல் ஆகியவற்றின் அடிப்படையில், ஜெர்மன் வணிக சமூகத்தினர் இலங்கையுடன் புதிய கூட்டாண்மைகளை உருவாக்க முன்வர வேண்டும் என்றும் பிரதமர் அழைப்பு விடுத்தார்.

இந்த நிகழ்வில் இலங்கை மற்றும் மாலைத்தீவுக்கான ஜெர்மன் தூதுவர் கலாநிதி ஃபெலிக்ஸ் நியுமன் (H.E. Dr. Felix Neuman), AHK Sri Lanka நிறுவனத்தின் பிரதான பிரதிநிதி மார்ட்டின் க்ளோஸே (Mr. Martin Klose) ஆகியோரும் அரச உத்தியோகத்தர்களும் இரு நாடுகளின் வர்த்தக சமூகப் பிரதிநிதிகளும் கலந்துகொண்டனர்.

பிரதமர் ஊடகப் பிரிவு

தியாகம், சகோதரத்துவம், கருணை ஆகிய உயரிய குணாம்சங்களை முன்னிலைப்படுத்தி, உலகவாழ் இஸ்லாமிய மக்களால் மிகவும் பக்திபூர்வமாகக் கொண்டாடப்படும் ’ஈதுல் அழ்ஹா’ எனும் ஹஜ் பெருநாளை முன்னிட்டு, இலங்கை மற்றும் உலகவாழ் அனைத்து முஸ்லிம் மக்களுக்கும் எனது அன்பார்ந்த, மனமார்ந்த நல்வாழ்த்துகளைத் தெரிவித்துக்கொள்கிறேன்.

ஹஜ் பெருநாளானது, இப்றாஹீம் நபி அவர்கள் கொண்டிருந்த அளப்பரிய இறைபக்தியையும் உன்னத தியாகங்களையும் நினைவுகூரும் ஆழமான மத முக்கியத்துவம் மிக்கதொரு நாளாகும். தமக்குச் சொந்தமான மிகவும் முக்கியமானதும் பெறுமதியானதுமானவற்றைக் கூட, மனிதகுலத்தின் நன்மைக்காகவும் இறைவனின் விருப்பத்திற்காகவும் அர்ப்பணிக்கும் மனநிலையை இந்தத் திருநாள் உலகுக்கு எடுத்துரைக்கின்றது.

இத்தகைய ஹஜ் திருநாளில், நாம் அனைவரும் எமக்கிடையிலான வேற்றுமைகளைக் கடந்து, சகோதரத்துவத்தையும் சகவாழ்வையும் கடைப்பிடித்து, ஒற்றுமையாகச் செயல்படுவதன் முக்கியத்துவத்தை வலியுறுத்த வேண்டும்.

தியாகத்தையும் கருணையையும் மையமாகக் கொண்ட ஹஜ் பெருநாளின் செய்தியானது, பலமான, அமைதியான, அதேநேரத்தில் சுபீட்சமான இலங்கையைக் கட்டியெழுப்பும் பயணத்திற்கு மிகச்சிறந்த முன்னுதாரணமாக அமைகின்றது.

எனவே, குறுகிய வேறுபாடுகளைத் தவிர்த்து, மற்றவர்கள் மீது கௌரவத்தையும் கருணையையும் வெளிப்படுத்தி, அமைதியும் சகவாழ்வும் மிக்க சமூகத்தைக் கட்டியெழுப்ப நாம் அனைவரும் உறுதிபூண வேண்டும்.

இந்த ஹஜ் பெருநாளானது உங்கள் அனைவருக்கும் மகிழ்ச்சியும், அமைதியும், சுபீட்சமும், ஆசீர்வாதமும் நிறைந்ததொரு நன்னாளாக அமைய வேண்டுமெனப் பிரார்த்திக்கிறேன்.

கலாநிதி ஹரிணி அமரசூரிய
பிரதமர்,
இலங்கை ஜனநாயக சோசலிசக் குடியரசு
2026 மே 28 ஆம் திகதி

கல்வி, உயர்கல்வி மற்றும் தொழிற்கல்வி அமைச்சின் தொழிற்கல்விப் பிரிவின் நலன்புரிச் சங்கத்தினால் ஏற்பாடு செய்யப்பட்ட “சதஹம் அபிவந்தனா” வெசாக் பக்தி கீத நிகழ்ச்சி மே 27 ஆம் திகதி நாராஹேன்பிட்டி தொழிற்பயிற்சி அதிகாரசபை கேட்போர்கூடத்தில் பிரதமர் கலாநிதி ஹரிணி அமரசூரிய அவர்களின் தலைமையில் நடைபெற்றது.

புத்த பெருமானின் பிறப்பு, ஞானமடைதல் மற்றும் பரிநிர்வாணமடைதல் ஆகிய புனித நிகழ்வுகளை நினைவுகூர்ந்து, பக்தர்களின் உள்ளங்களில் பௌத்த மத உணர்வை ஏற்படுத்துவதற்காக ஏற்பாடு செய்யப்பட்ட இந்த பக்தி கீத நிகழ்ச்சியில், அமைச்சின் ஊழியர்களால் பக்திப் பாடல்கள் இசைக்கப்பட்டன.

இந்நிகழ்வில் கல்வி, உயர்கல்வி மற்றும் தொழிற்கல்வி அமைச்சின் செயலாளர் நாலக களுவெவ, மேலதிக செயலாளர் (நிர்வாகம்) சமந்தி மிஹிந்துகுல, மேலதிக செயலாளர் (தொழிற்பயிற்சி) சமந்தி சேனாநாயக்க உள்ளிட்டோர் கலந்துகொண்டனர்.

பிரதமர் ஊடகப் பிரிவு

The Director and Head of Division for External Economic Policy covering South Asia, Southeast Asia, and Oceania at the German Federal Ministry for Economic Affairs and Energy, Mr. Tobias Pierlings, met with Secretary to the Prime Minister Mr. Pradeep Saputhanthri at the Prime Minister’s Office today to discuss avenues for strengthening economic cooperation between Sri Lanka and Germany.

Welcoming Mr. Pierlings, Secretary to the Prime Minister Mr. Pradeep Saputhanthri expressed appreciation for the continued support and cooperation extended by the Government of the Federal Republic of Germany toward Sri Lanka’s development and economic progress.

During the discussions, Mr. Pierlings highlighted the significance of the forthcoming Sri Lanka–German Business Forum 2026, organized by the Delegation of German Industry and Commerce in Sri Lanka. The three-day forum is expected to bring together approximately 350 senior stakeholders, including policymakers, business leaders, industry associations, and experts representing a range of strategic sectors from both countries. He noted that the forum would serve as an important platform to deepen bilateral economic engagement and generate mutual benefits for Sri Lanka and Germany.

The meeting also focused on the emerging growth of the information technology sector as a major contributor to Sri Lanka’s export economy. Both parties indicated willingness to explore potential collaboration to further strengthen technological and innovation-driven partnerships.

The discussions further covered skills development and vocational training in Sri Lanka, with particular attention given to the contributions of the Ceylon German Technical Training Institute in advancing technical education and workforce development.

The meeting was attended by H.E. Dr. Felix Neumann, Ambassador of Germany to Sri Lanka, along with officials from the German Embassy. Representing the Sri Lankan side were Ms. Sagarika Bogahawatta, Additional Secretary to the Prime Minister and officials from the Ministry of Foreign Affairs, Foreign Employment and Tourism.

Prime Minister’s Media Division

பிரதமர் கலாநிதி ஹரிணி அமரசூரியவின் பெயர், புகைப்படங்கள் மற்றும் காணொளிகள் ஆகியவற்றையும் பல்வேறு ஊடக நிறுவனங்களினதும், செய்தி இணையத்தளங்களினதும் உத்தியோகபூர்வ இலச்சினைகளையும் போலியாகப் பயன்படுத்தி உருவாக்கப்பட்ட போலியான செய்திகள் சமூக ஊடகங்களில் பகிரப்பட்டுவருவது தெரியவந்துள்ளது.

பிரதமர் கருத்து தெரிவிப்பது போன்று சித்தரிக்கப்பட்ட போலியான காணொளிகள் மற்றும் பிரதமரின் புகைப்படத்தை உள்ளடக்கி உருவாக்கப்பட்ட போலிப் பதிவுகள் சிலரால் சமூக ஊடகங்களில் பதிவேற்றப்பட்டிருக்கின்றன. இதன் மூலம் பல்வேறு தொழில்முயற்சிகள், வேலைவாய்ப்புகள் மற்றும் நாட்டின் பொருளாதாரம் மற்றும் வரிக்கொள்கைகள் ஆகியன குறித்த போலியான செய்திகள் உருவாக்கப்பட்டுள்ளன.

செயற்கை நுண்ணறிவு (AI) மற்றும் நவீன தொழில்நுட்பத்தினைப் பயன்படுத்தி இத்தகைய போலியான செய்திகள் உருவாக்கப்பட்டிருப்பதால், இத்தகைய செய்திகளைக் கண்டு ஏமாற வேண்டாமெனவும், இது குறித்து விழிப்புடன் இருக்குமாறும் அனைத்து மக்களையும் பிரதமரின் ஊடகப் பிரிவு என்ற வகையில் நாம் கேட்டுக்கொள்கின்றோம்.

அரசாங்கத்திற்கும் பிரதமரின் தனிப்பட்ட வாழ்க்கைக்கும் பாதிப்பு ஏற்படும் வகையில் இத்தகைய போலியான செய்திகளை உருவாக்குவதும், அவற்றைச் சமூக ஊடகங்கள் ஊடாகப் பரப்புவதும் சட்டத்தின்படி தண்டனைக்குரிய குற்றமாகும்.

பிரதமர் ஊடகப் பிரிவு

இரத்மலானை தொழில்நுட்பப் பல்கலைக்கழகத்தில் கல்வி கற்கும் மாணவர்களின் நடைமுறைப் பயிற்சிக்காக நிர்மாணிக்கப்பட்ட ஊடகத் தொகுதியில் நிலவிய குறைபாடாக இருந்த தொலைக்காட்சி கலையகத்தில் நவீன தொழில்நுட்ப உபகரணங்கள் பொருத்தப்பட்டு, அதன் தயாரிப்பு வசதிகள் பிரதமர் கலாநிதி ஹரிணி அமரசூரியவின் பங்குபற்றுதலுடன் மே 26 ஆம் திகதி மாணவர்களின் பாவனைக்காகக் கையளிக்கப்பட்டன.

இத்தொலைக்காட்சி கலையகத்தைத் திறந்துவைப்பதற்குச் சமாந்தரமாக, மாணவர்களின் நடைமுறை மற்றும் கல்விச் செயற்பாடுகளை விரிவுபடுத்துவதற்காகப் புதிதாக நிர்மாணிக்கப்பட்ட பல இணை நிலையங்களும் இதன்போது திறந்துவைக்கப்பட்டன.

அதற்கமைய, மாணவர்கள் இணைய வானொலி அலைவரிசைகள் உள்ளிட்ட கல்விச் சேவைகளை ஆரம்பிப்பதற்கான வாய்ப்புகளை வழங்கும் ஒலிபரப்புக் கலையகம், செயற்கை நுண்ணறிவு ஆய்வுக்கூடம், பாலினச் சமத்துவம் மற்றும் நீதி மையம் ஆகியனவும் இதன்போது திறந்துவைக்கப்பட்டன.

இந்த நிகழ்வுக்குச் சமாந்தரமாக, அண்மைய வெள்ள அனர்த்தத்தினால் பாதிக்கப்பட்ட பாடசாலைகளை இனங்கண்டு, அப்பாடசாலை மாணவர்களின் கல்விச் செயற்பாடுகள் தடையின்றித் தொடர்வதற்காக மடிக்கணினிகள் அன்பளிப்புச் செய்யும் நிகழ்வும், சுற்றாடல் நேய பசுமைப் கொள்கை (UOVT Greening Policy) உத்தியோகபூர்வமாக வெளியிடும் நிகழ்வும் இடம்பெற்றன.

இக்கொள்கையின் ஊடாகப் பல்கலைக்கழகத்திற்குள் மேற்கொள்ளப்படும் அனைத்து நிர்மாண மற்றும் அபிவிருத்திப் பணிகளும் பசுமை எண்ணக்கருவை அடிப்படையாகக் கொண்டு முன்னெடுக்கப்படவுள்ளதுடன், 2030 ஆம் ஆண்டளவில் பல்கலைக்கழகத்தைக் கார்பன் வெளியேற்றமற்ற சூழல் அலகாக மாற்றி அமைக்க எதிர்பார்க்கப்படுகிறது.

அத்தோடு, தொழில்சார் கல்வியைக் கற்கும் மாணவர்களைக் கைத்தொழில் துறையில் பசுமை எண்ணக்கருவை அடிப்படையாகக் கொண்ட தொழில் வாய்ப்புகளுக்காக அதிகளவில் ஊக்குவிப்பதும் இதன் பிரதான நோக்கமாகும்.

இந்நிகழ்வைத் தொடர்ந்து, பல்கலைக்கழக மாணவர் சங்கப் பிரதிநிதிகளுடன் பிரதமர் கலந்துரையாடினார்.

இந்த முக்கிய நிகழ்வில் தொழிற்கல்வி பிரதி அமைச்சர் நலின் ஹேவ​கே, கல்வி, உயர்கல்வி மற்றும் தொழிற்கல்வி அமைச்சின் செயலாளர் நாலக களுவெவ, இரத்மலானை தொழில்நுட்பப் பல்கலைக்கழகத்தின் உபவேந்தர் பேராசிரியர் கே.எம்.ஜி. பிரசன்ன பிரேமதாச உள்ளிட்ட பல அதிதிகள் கலந்துகொண்டனர்.

பிரதமர் ஊடகப் பிரிவு